Տեսանյութ. Եթե Հայաստանը համաձայնի՝ լավ, իսկ եթե ոչ՝կստիպենք ուժով. Ալիևը դժգոհ է Արայիկ Հարությունյանից, որը գերության մեջ է պահում Արցախի ժողովրդին
Առաջիկայում Մոսկվայում կհանդիպեն Հայաստանի և Ադրբեջանի արտգործնախարարները: Այսօր Շուշիում հայտնել է Ադրբեջանի նախագահը: Մոտ երկու ժամ անց տեղեկությունը հաստատել է մեր արտգործնախարարության խոսնակը: Հայոց հնագույն բերդաքաղաքում 50 երկրի 200 լրագրողի առաջ Ալիևը Հայաստանի իշխանությունից կրկին պահանջել է ստորագրել «Ղարաբաղն Ադրբեջան է» հայտարարության տակ և վերջ՝ պատրաստ է խաղաղության պայմանագիրը: Այլ դժգոհություն Հայաստանի իշխանությունից, կարծես թե, չի հայտնել Ալիևը: Նա դժգոհել է Արցախի նախագահ Արայիկ Հարությունյանից, որը, իր բառերով, գերության մեջ է պահում Արցախի ժողովրդին ու չի թողնում Ադրբեջանը տեր կանգնի իր բնակիչներին:
