ԼՂ-ում հումանիտար աղետը կանգնեցնելու Սերժ Սարգսյանի կոչը ողջունելի կլիներ, եթե նամակի բովանդակությունը չվերածվեր բամբասանքի. Տարոն Չախոյան
Տարոն Չախոյանն իր ֆեյսբուքյան էջում գրառում է արել, որտեղ անդրադարձել է Սերժ Սարգսյանի ԱՄՆ-ի, ՌԴ-ի և Ֆրանսիայի նախագահներին ուղղված բաց նամակին։ Գրառման մեջ մասնավորապես ասվում է․Սերժ Սարգսյանի նամակը ԱՄՆ-ի, ՌԴ-ի և Ֆրանսիայի նախագահներին ընդամենը ավելի հայրենասեր ձևանալու էժանագին փորձ էր։
Առնվազն միամտություն է կարծել, թե Բայդենը, Պուտինն ու Մակրոնը Սերժ Սարգսյանի նամակից են իմացել, որ ԼՂ-ն շրջափակված է։
Լեռնային Ղարաբաղում հումանիտար աղետը կանգնեցնելու Սերժ Սարգսյանի կոչը ողջունելի կլիներ, եթե նամակի բովանդակությունը չվերածվեր բամբասանքի ու փորձ չարվեր վերածել ներքաղաքական էժան շահարկման։
Սերժ Սարգսյանի բաց նամակը ԱՄՆ-ի, ՌԴ-ի և Ֆրանսիայի նախագահներին ընդամենը պոպուլիստական քայլ էր, որի նպատակը ՀՀ ներկայիս իշխանություններին քննադատելն ու ավելի հայրենասեր ձևանալն էր։
