Նակամուրան դժգոհել է. վերջապես հասա Բաքու՝ Աշխարհի գավաթին, բայց լվացարանում եւ լոգարանում ջուր չկա
Բաքվում շախմատի աշխարհի գավաթի խաղարկությանը մասնակցելու համար Ադրբեջան ժամանած ամերիկացի գրոսմայստեր, համաշխարհային դասակարգման երկրորդ համար Հիկարու Նակամուրան (2787) թվիթերյան գրառումով դժգոհել է կենցաղային պայմաններից։«Վերջապես հասա Բաքու՝ Աշխարհի գավաթին, բայց լվացարանում եւ լոգարանում ջուր չկա։ Գերազանց սկիզբ․․․»,- գրել է Նակամուրան։
Աշխարհի գավաթի խաղարկությունը մեկնարկել է հուլիսի 30-ին եւ կավարտվի օգոստոսի 24-ին։ Հայաստանի ներկայացուցիչները չեն մասնակցում մրցաշարին։
