ՊՆ-ն նոր վարժական հավաքներ է նախատեսում.Զորքերի համալրում անհրաժեշտ զինվորական հաշվառման մասնագիտություն ունեցող պահեստազորայիններով
Սեպտեմբերի 15-ից դեկտեմբերի 15-ը նախատեսվում է պահեստազորայինների վարժական հավաքներ անցկացնել։ «Վարժական հավաքներ հայտարարելու մասին» Կառավարության որոշման նախագիծը ընդգրկված է կառավարության վաղվա նիստի օրակարգում։Հավաքներին ներգրավվելու է մինչև 1047 քաղաքացի, որոնցից 528-ը` կրտսեր ենթասպայական և շարքային կազմերից, 28-ը` ավագ ենթասպայական կազմից, 491-ը` սպայական կազմի պահեստազորայիններից:Պահեստազորային պատրաստության շրջանակում վարժական հավաքների անցկացումը պլանավորված է ՀՀ Կառավարության 2022 թվականի համապատասխան որոշմամբ, ըստ նախագծի՝ դրանց նպատակը զորքերի համալրումն է ավելի պատրաստված և անհրաժեշտ զինվորական հաշվառման մասնագիտություն ունեցող պահեստազորայիններով, ինչպես նաև պահեստազորում հաշվառված քաղաքացիների մասնագիտական պատրաստվածության որակի բարձրացումը` պահեստազորում կուտակելով համապատասխան զինվորական հաշվառման մասնագիտություն ունեցող պահեստազորայիններ:
