Ով է Արցախի նախագահի թեկնածուն
Արդեն գրել ենք, որ Արցախի նախագահն ու պետնախարարը շուտով հրաժարական կտան եւ նրանց փոխարինելու է Արցախի անվտանգության խորհրդի քարտուղար Սամվել Շահրամանյանը, ում պատկերացնում են Արցախի նախագահի պաշտոնին՝ եթե իհարկե Արցախի խորհրդարանը նրան ընտրի։ Արցախի նախագահ Արայիկ Հարությունյանի հրամանագրով Արցախի պետական նախարար է նշանակվել Անվտանգության խորհրդի քարտուղար Սամվել Սերգեյի Շահրամանյանը, ում տրվել են լայն լիազորություններ: Այս մասին իր հայտարարության մեջ նշել է Արցախի նախագահը:
«Այսօրվա իմ հրամանագրով Արցախի Հանրապետության պետական նախարար Գուրգեն Ներսիսյանը ազատվել է զբաղեցրած պաշտոնից և պետական նախարար է նշանակվել Անվտանգության խորհրդի քարտուղար Սամվել Սերգեյի Շահրամանյանը, ում տրվել են լայն լիազորություններ: Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը»,-նշել է Արայիկ Հարությունյանը:
Նշենք, որ նույն հայտարարության մեջ Արցախի նախագահը նշել է, որ վաղը Արցախի ԱԺ-ին կներկայացնի իր հրաժարականը:
«Այսօրվա իմ հրամանագրով Արցախի Հանրապետության պետական նախարար Գուրգեն Ներսիսյանը ազատվել է զբաղեցրած պաշտոնից և պետական նախարար է նշանակվել Անվտանգության խորհրդի քարտուղար Սամվել Սերգեյի Շահրամանյանը, ում տրվել են լայն լիազորություններ: Սամվել Շահրամանյանի ընտրությունը կատարելիս հաշվի եմ առել նրա սկզբունքայնությունը, ճկունությունը, տարբեր պատասխանատու դիրքերում նրա աշխատանքային փորձը և կուտակած գիտելիքները, որոնք անմիջականորեն առնչվում են թե՛ ազգային անվտանգությանը և թե՛ պետական կառավարմանը»,-նշել է Արայիկ Հարությունյանը:
Նշենք, որ նույն հայտարարության մեջ Արցախի նախագահը նշել է, որ վաղը Արցախի ԱԺ-ին կներկայացնի իր հրաժարականը:
Ինչ կենսագրություն ունի Շահրամանյանը։
Նա 45 տարեկան է՝ ծնվել է 1978-ի դեկտեմբերի 1-ին Ստեփանակերտում։ Արցախի ԱԱԾ տնօրենն է եղել, ԱՀ ռազմահայրենասիրության, երիտասարդության, սպորտի և զբոսաշրջության նախարարը։ Կոչումով գեներալ-մայոր է։
Ընդունվել է Երևանի Գրիգոր Զոհրապի անվան համալսարանի Միջազգային տնտեսագիտություն ֆակուլտետը, 1998 թվականին տեղափոխվել է Արցախի պետական համալսարանի տնտեսագիտություն բաժինը և 1999 թվականին ավարտել այն։
1996-1999 թթ. ծառայել է ԼՂՀ պաշտպանության բանակում։ Աշխատանքային գործունեությունը սկսել է ԱԱԾ-ում ծառայությունից՝ 1999-2008 թթ.։
2008-2010 թթ. աշխատել է ԼՂՀ Հարկային պետական ծառայությունում` օպերատիվ հետախուզության վարչության պետի պաշտոնում։
2010-2013 թթ.՝ ԼՂՀ Արդարադատության նախարարությունում, որպես ԼՂՀ Գլխավոր հարկադիր կատարող։
2013 թվականին նշանակվել է ԼՂՀ Ոստիկանության Ստեփանակերտի քաղաքային վարչության պետ, այնուհետև` քրեական հետախուզության վարչության պետ։ 2014-2018 թթ. Նորից վերադարձել է ԱԱԾ՝ վարչության պետի պաշտոնում։ 2018-2020 թթ. ԱՀ ԱԱԾ տնօրեն։
2018 թվականի հուլիսի 16-ին նշանակվել է ԱՀ գերիների, պատանդների և անհայտ կորածների հարցերով հանձնաժողովի նախագահ։
2020 թվականի մայիսի 29-ին ԱՀ նախագահի հրամանագրով ստացել է գեներալ-մայորի կոչում։
2020 թվականի մայիսի 29-ին ԱՀ նախագահի հրամանագրով նշանակվել է ԱՀ ռազմահայրենասիրության, երիտասարդության, սպորտի և զբոսաշրջության նախարար։
2023 թ․ հունվարի 16-ին նշանակվել է Արցախի ԱԽ քարտուղար։
