Տեսանյութ.Մենք մենակ ենք մեր վտանգների առջև, և մենք պիտի մեր գլխի ճարը տեսնենք.միջադեպի ժամանակ օգտագործվել են նաև հայկական արտադրության զինատեսակներ
Մենք մենակ ենք մեր վտանգների առջև, և մենք պիտի մեր գլխի ճարը տեսնենք․ այսօրվա միջադեպին մենք օգտագործել ենք հայկական արտադրության զինատեսակներ։***
․Ազգային ժողովի նախագահ Ալեն Սիմոնյանը Հանրային ՀԸ-ի եթերում ՛՛աբսուրդ՛՛ որակեց Ռուսաստանի ԱԳՆ պաշտոնական ներկայացուցիչ Մարիա Զախարովայի՝ Լաչինի միջանցքի շրջափակման պատճառների հետ կապված վերջին հայտարարությունը:
Նա, մասնավորապես, ասաց. ՛՛Ես լսել եմ այդ հայտարարությունը, և այնտեղ, որքան հիշում եմ, ասվում է, որ հայկական կողմը ճանաչել է Ադրբեջանի տարածքային ամբողջականությունը։ Սա աբսուրդ է, որովհետև Ադրբեջանի տարածքային ամբողջականությունը ճանաչել է երաշխավոր երկիրը, այսինքն՝ ռուսական կողմը:
Ենթադրենք, հայկական կողմն ինչ-որ հայտարարություն է արել, բայց կա 2020 թվականի նոյեմբերի 9-ի հայտարարություն՝ երեք երկրների ստորագրությամբ, որտեղ ասվում է, որ Լաչինի միջանցքը գտնվում է ռուս խաղաղապահների իրավասության ներքո։ Հիմա հարց. որտե՞ղ է այդ տարածքը, և որտեղ են ռուս խաղաղապահները՛՛:
Ավելի վաղ Զախարովան ասել էր. ՛՛Լաչինի միջանցքում ստեղծված իրավիճակը ՀՀ-ի կողմից Ադրբեջանի տարածքային ամբողջականության ճանաչման հետևանք է՛՛:․
ԱԺ նախագահն, անդրադառնալով բանակի հզորացման ուղղությամբ արվող քայլերին, նշեց.
«Մենք մեծ ներդրումներ, ջանք և աշխատանք ենք իրականացնում, այսօրվա միջադեպի ժամանակ նույնիսկ օգտագործվել են հայկական արտադրության զինատեսակներ»:
