Ինչ է կատարվում մեզ հետ մահից հետո.մարդը կարող է զգալ այս կյանքի լրիվությունը, երբ նա գտնվում է հոգևոր աշխարհում          Տեսանյութ.Մոսկվան տեղեկություններ ունի, որ Ղարաբաղից հեռացած բնակիչներից ոմանք ծրագրում են վերադառնալ. Զախարովա       «Ադրբեջանը Ստեփանակերտի փողոցը վերանվանել Էնվեր Փաշայի անունով, մինչդեռ պնդում է, թե կհարգի հայերի իրավունքները»․ հնդիկ ռեփերի գրառումը    

02 սեպ 2023 16:54

Արցախում տեղի ունեցող գործընթացները նոր լիցք կարող են հաղորդել արցախյան հարցի կարգավորմանը

Արցախում տեղի ունեցող գործընթացները, կարծում եմ՝ նոր լիցք կարող են հաղորդել արցախյան հարցի կարգավորմանը: Հայաստանում Արցախի մշտական ներկայացուցչության դիմաց ակցիայի ժամանակ լրագրողների հետ զրույցում ասել է «Հայրենիք» կուսակցության նախագահ Արթուր Վանեցյանը:


«Անձամբ ճանաչում եմ Արցախի նորանշանակ պետնախարար Սամվել Շահրամանյանին, նրա մասին ունեմ լավ կարծիք: Շատ հայրենասեր, կարգապահ, խիզախ եւ պատասխանատվությունից չխուսափող անձնավորություն է: Հուսով եմ, որ նրան հաջողվելու է այս բարդ շրջանում բեկում մտցնել այ հարցում, բոլորս պետք է կարողանանք նեցուկ լինել նրան»,-ասել է նա:




Գործիչը կարեւորել է Արցախի նոր իշխանությունների կողմից հստակ գնահատականների հնչեցումը՝ Հայաստանի իշխանությունների գործողությունների վերաբերյալ: Հակառակ պարագայում մեղադրում ենք բոլորին՝ ԱՄՆ-ին, ԵՄ-ին, Ռուսաստանին, բացի Հայաստանի իշխանություններից:


Լրագրողի այն հարցին, թե որքանով կհաջողվի իշխանափոխություն անել նաեւ Հայաստանում, Վանեցյանն արձագանքել է՝ «Մեր օրակարգում ոչինչ չի փոխվել, մենք շարունակում ենք պահանջել այս իշխանությունների օր առաջ հեռացումը: Այսօրվա հանրահավաքի խորհուրդն այլ է, Արցախի ձայնը լսելի դարձնելն է, որպեսզի միջազգային հանրությունը, ինչպես նաեւ Արցախի մեր հայրենակիցները տեսնեն, որ Հայաստանում կան մարդիկ, որոնք անտարբեր չեն իրենց ճակատագրով»:


Մեկնաբանություններ


Համընկնող լուրեր