«Կոչերից բացի՝ ԵՄ-ն ոչինչ չի անի Ադրբեջանի դեմ».Բորելն անկեղծացել է, որ Ադրբեջանը կարևոր է ԵՄ-ի համար          Կառավարությունը 31 մլն դրամ հատկացրեց ԱԺ բուֆետ-ճաշարանի բարեկարգման համար       Տեսանյութ.Անատոլիայի Մոցարտ.Թուրքիայում «Կոմիտասը» լավագույն թատերախաղ է ընտրվել    

15 հոկ 2016 13:16

Էլեկտրաէներգիան Բարձրավոլտ էլեկտրացանցերից Հայաստանի էլեկտրական ցանցեր է տեղափոխվելու գազի բալոնի միջոցով

Կարեն Կարապետյանի վարչապետ նշանակվելուց հետո կառավարությունում տեղի ունեցող փոփոխությունները, եթե որոշակի հույսերի նշույլներ էին տալիս, ապա արդեն զավեշտալի են դառնում: Կառավարության ղեկավարը տեղի անտեղի, ամենուր իր «գազի մարդկանց» է տեղավորում: Իրականանում է այն մտահոգությունը, որ «Գազպրոմ-Արմենիայի» նախկին ղեկավարը վարչապետ դառնալուց հետո կառավարությունը «գազի» գրասենյակի կվերածի:

Hayacq.com-ը տեղեկացավ, որ երեկ էլ աշխատանքից ազատվել է «Բարձրավոլտ էլեկտրացանցեր» ՓԲԸ գլխավոր տնօրեն Արամ Անանյանը, և նրա փոխարեն գլխավոր տնօրենի պաշտոնում է նշանակվել «Գազպրոմ-Արմենիա» ՓԲԸ-ի Երևանի  գազաֆիկացման և գազամատակարարման մասնաճյուղի (ԳԳՄ) Նոր Նորք, Մարաշ տարածքային արտադրամաս շահագործման ծառայության (ՏԱՇԾ) պետ՝ ոմն Արթուր Բաղդասարյանը:
 
Ի դեպ այս որոշումից ապշած են, թե «Բարձրավոլտ էլեկտրացանցեր» ընկերությունում, թե  «Հայաստանի էլեկտրական ցանցերում»: Եթե կառավարության համար անեկդոտներ են հորինում, այն կարգի, որ կառավարությունում գազ է լցվել, ապա «Հայաստանի էլեկտրական ցանցերում»  էլ այս փոփոխությունից զարմացած խոսում  են, թե  Էլեկտրաէներգիան Բարձրավոլտ էլեկտրացանցերից Հայաստանի էլեկտրական ցանցեր է տեղափոխվելու գազի բալոնի միջոցով:
Ջրային տնտեսության պետական կոմիտե, ՊԵԿ, էլեկտրացանցեր և այսպես շարունակ՝ պարզվում է բոլորը «գազավիկ» պետք է լինեն, ինչ պարտադիր է ոլորտին տիրապետում են, թե ոչ:
Քաղաքական դաշտում այս գործելաոճը որակում են.  «թեկուզ պոլի փայտ, բայց մեր կուսակիցը լինի»:

Մեկնաբանություններ


Համընկնող լուրեր