Կենտրոնական ընտրական հանձնաժողովն ամփոփեց ավագանու ընտրությունների արդյունքները
Երևանի ավագանու կազմում ներկայացված կլինի 5 ուժ։ Այսօր Կենտրոնական ընտրական հանձնաժողովն արտահերթ նիստում ամփոփեց ավագանու ընտրությունների արդյունքները։ ՀՀ ԿԸՀ-ն արձանագրեց, որ 824,317 ընտրողից քվեարկությանը մասնակցել է 234,442 մարդ, այսինքն` ընտրության իրավունք ունեցողների ընդամենը 28,44 տոկոսը։ Ընտրությունների վերջնական արդյունքներն այսպիսին են. «Քաղաքացիական պայմանագիր» կուսակցություն` 75,494 (32,57%), «Ազգային առաջընթաց» կուսակցություն` 43,797 քվե (18,89%), «Մայր Հայաստան» կուսակցությունների դաշինք` 35,807 քվե (15,47%), «Հանրապետություն» կուսակցություն` 26,233 քվե (11,32%), «Հանրային ձայն» կուսակցություն` 22,447 (9,68%):
ԿԸՀ նախագահը Վահագն Հովակիմյանը հայտնել է, որ անցողիկ շեմը հաղթահարած և Երևանի ավագանու կազմում հայտնված ուժերի ներկայացուցիչներն ինքնաբացարկի դիմումներ կարող են ներկայացնել մինչև սեպտեմբերի 28-ը, ժամը 11։00-ն։
