Ժամանակն է մի կարևոր սրբագրում անելու՝ հայ-ադրբեջանական 30-ամյա տաք կամ սառը պատերազմն այս պահին ավարտվել է
![Ժամանակն է մի կարևոր սրբագրում անելու՝ հայ-ադրբեջանական 30-ամյա տաք կամ սառը պատերազմն այս պահին ավարտվել է Ժամանակն է մի կարևոր սրբագրում անելու՝ հայ-ադրբեջանական 30-ամյա տաք կամ սառը պատերազմն այս պահին ավարտվել է](https://hayacq.com/uploads/posts/2023-12/medium/1701928173_g-arsenyan.jpg)
Արսենյանի խոսքով՝ իրենք շարունակում են գնալ խաղաղության ճանապարհով. «Ես խոսել և շարունակելու եմ խոսել խաղաղությունից, որովհետև խաղաղությունը մեր ամենամեծ ռեսուրսն է, խաղաղության պարագայում հայ հասարակությունն անցնում է մի կենսագործունեության ռեժիմի, որը միայն օգտակար է մեզ: Մենք արդեն կկարողանանք խաղաղության պայմաններում գույքագրել նաև այն հնարավոր բացթողումները, որոնք այսօր կան»:
Ըստ Արսենյանի՝ 30 տարի ապարդյուն է անցել հայկական քաղաքական, տնտեսական, ինտելեկտուալ միտքը. «Դրա արդյունքը մենք արձանագրեցինք, որպես ազգային իղձերի աղետ։ Հիմա մենք պետք է կարողանանք հասկանալ, որ պետական իղձերը դնենք ռելսերի վրա»:
3+3 ձևաչափով հանդիպմանն անդրադառնալով՝ Արսենյանն ասաց. «Հանդիպումը գնահատում եմ շատ դրական, հարևանների հետ մեր հարաբերությունները, տարածաշրջանային խնդիրների հետ կապված քննարկումները միայն պրոդուկտիվ են, միայն ողջունելի են, որովհետև խնդիրների քննարկումը բերում է նաև խնդիրների լուծման հնարավորություն: Հարևանների հետ քննարկման պարագայում մենք կարողանում ենք գտնել օպտիմալ ֆորմուլան, որը բավարարում է և՛ մեզ, և՛ հարևաններին»: