Իրանին զսպելու համար ԱՄՆ-ի «Ֆլորիդա» միջուկային սուզանավը մտել է Պարսից ծոց

Ինչպես գրում է գործակալությունը, «Ֆլորիդա» սուզանավը, թեև միջուկային է, սակայն միջուկային զենք չի կրում։ Այն կարող է զինված լինել մինչև 154 Tomahawk թևավոր հրթիռներով և կարող է տեղավորել ԱՄՆ ռազմածովային ուժերի մինչև 66 հատուկ ջոկատայիններ:
Նոյեմբերի 6-ին Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին ասել էր, որ Միացյալ Նահանգները «Օհայո» դասի սուզանավ է ուղարկել Մերձավոր Արևելք, ինչը անհրաժեշտ է ԱՄՆ զինվորականների անվտանգությունն ապահովելու համար։ Ոչ մի խոսք չկար, թե որ ամերիկյան սուզանավն է ուղարկվել Մերձավոր Արևելք կամ կոնկրետ որտեղ է այն տեղակայված։