Երևանը խնդրել է ՀԱՊԿ-ին հանել ՀՀ-ին օգնություն տրամադրելու մասին հարցն օրակարգից
Հայաստանը ՀԱՊԿ իր գործընկերներին խնդրել է օրակարգից հանել իրեն օգնություն տրամադրելու վերաբերյալ փաստաթուղթը։ Այդ մասին Բելառուսի նախագահ Ալեքսանդր Լուկաշենկոյի հետ Մինսկում կայացած հանդիպմանը հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Հայկական կողմը, չնայած մյուս բոլոր դաշնակիցների կողմից փաստաթղթին ներկայացվող աջակցությանը, որևէ հետաքրքրություն չցուցաբերեց փաստաթղթի նկատմամբ, առավել ևս՝ մեր աշխատանքի վերջին մասում խնդրեցին ընդհանրապես հանել օրակարգից»,- ասաց ՀԱՊԿ գլխավոր քարտուղարը։»- նրա խոսքերն է մեջբերում BelTA գործակալությունը։
Հիշեցնենք՝ 2022 թվականի նոյեմբերին Երևանում կայացած ՀԱՊԿ գագաթնաժողովում ՀՀ վարչապետ Նիկոլ Փաշինյանը հրաժարվել էր ստորագրել Հայաստանին օգնություն ցուցաբերելու համատեղ միջոցառումների մասին Հավաքական անվտանգության խորհրդի որոշման նախագիծը։