ՀՀ-ն չի քննարկում ռուսական ռազմաբազան հանելու հարց, դա աբսուրդ է          Մենք հանդիպելու ենք 2026 թվականին և ես մասնակիցն եմ լինելու ձեր քաղաքական վախճանին       Բախվել են «ՎԱԶ 2102»-ը ու ասֆալտով բարձված «FAW» բեռնատարը, կա վիրավոր    

31 դեկ 2023 20:00

Կեսգիշերին բոլոր եկեղեցիներում կկատարվի Նռնօրհնեքի արարողություն

https://hayacq.com/uploads/posts/2025-01/1735729039_nrorhneq.jpgՄայր Աթոռ Սուրբ Էջմիածնի Սուրբ Տրդատի Բաց խորանին, Գարեգին  Երկրորդ Ամենայն Հայոց Կաթողիկոսի հանդիսապետությամբ Ամանորի գիշերը` այսօր Ժամը 24:00 կկատարվի նռնօրհներքի արարողություն: Հիսուս Քրիստոսի հեղած արյան ու հարության խորհրդանիշ նռան օրհնությունը կհաջորդի գոհաբանական մաղթանքին:

Նռնօրհնեքի արարողություն կկատարվի նաև բոլոր եկեղեցիերում։

Հայկական ավանդության մեջ նուռը` իբրեւ ազգային խորհրդանիշ, կրում է կյանքի, ծաղկունքի եւ առատության իմաստը: Քրիստոնեական խորհրդաբանության մեջ նուռը խորհրդապատկերն է Հիսուս Քրիստոսի հեղած արյան` խորհրդանշելով նաեւ Տիրոջ հրաշափառ Հարությունն ու Աստծու շնորհների բազմազանությունը:

Հայոց Եկեղեցու վարդապետների եւ հայրերի մեկնություններում նուռը ներկայացվում է նաեւ այն խորհրդաբանությամբ, որ նռան հատիկների պես Եկեղեցու անդամները շատ ու բազմատեսակ են, սակայն պատված են նռան նման պինդ կեղեւով` միավորված լինելով մեկ Եկեղեցու մեջ: Այս պատճառով նռան խորհրդաբանությունը լայնորեն օգտագործվել է հայկական եկեղեցական ճարտարապետության, արվեստի եւ մանրանկարչության մեջ:

Մեկնաբանություններ


Համընկնող լուրեր