Տեսանյութ.Իրանում Սոլեյմանիի գերեզմանատան մոտ պայթյունների հետևանքով մահացածների թիվը հասել է 188-ի
Իրանի Քերման քաղաքում Իսլամական հեղափոխության պահապանների կորպուսի գեներալ Սոլեյմանիի մահվան տարելիցի կապակցությամբ սգո երթերի ժամանակ տեղի ունեցած պայթյունների զոհերի թիվը հասել է 188-ի, հայտնում է Fars գործակալությունը:Ավելի վաղ հաղորդվել էր 103 զոհի և 142 վիրավորի մասին: Պայթյունները, ինչպես նշել Է իրանական Tasnim գործակալությունը, իրականացվել են հեռակա կարգով. պայթուցիկով երկու պայուսակ գտնվել են Քերման քաղաքի գերեզմանատան մուտքից ոչ հեռու:
Հիշեցնենք, որ 2020 թվականի հունվարի 3-ի գիշերը Միացյալ Նահանգները Բաղդադում գործողություն է իրականացրել՝ ոչնչացնելու Իսլամական հեղափոխության պահապանների կորպուսի հատուկ նշանակության ուժերի հրամանատար Ղասեմ Սոլեյմանին և իրաքյան շիա աշխարհազորայինների ղեկավարի տեղակալ Աբու Մահդի ալ-Մուհանդիսին։ Վաշինգտոնում նրանք ներգրավված էին 2019 թվականի դեկտեմբերի 31-ին Բաղդադում ամերիկյան դեսպանատան վրա հարձակման կազմակերպման մեջ։
