Տեսանյութ.Կոմիտասի անվան պանթեոնում ասմունք, երգ՝ Վահան Տերյանի ծննդյան օրը
Նշանավոր հայ բանաստեղծ, քնարերգու և հասարակական-քաղաքական գործիչ Վահան Տերյանը (իրական անունը՝ Վահան Սուքիասի Տեր-Գրիգորյան) ծնվել է փետրվարի 9-ին, (որոշ տվյալներով հունվարի 28) Ջավախքի Գանձա գյուղում:Դժվարին կյանք է ապրել Վահան Տերյանը, կյանքից հեռացել անժամանակ: Նա հայ քնարերգությանը հաղորդել է մի այնպիսի թարմ շունչ, որ անհնարին է պատկերացնել իր և հետագա ժամանակների հայ պոեզիան առանց նրա լուսավոր ներկայության:
Ամեն տարի փետրվարի 9-ին մեծանուն բանաստեղծի ծննդյան օրը, Կոմիտասի անվան պանթեոն՝ նրա շիրիմին են այցելում բազմաթիվ մտավորականներ, հասարակական, քաղաքական գործիչներ, տարբեր դպրոցների սաներ հարգելու նրա հիշատակը:
