Իսրայելական վարչակարգը ձգտում է, որպեսզի ԱՄՆ-ն խեղդվի Արևմտյան Ասիայի ճահճում. Աբդոլահիան
Վաշինգտոնի աջակցությունն Իսրայելին եւ երկրի վարչապետ Բենիամին Նեթանյահուին ոչ մի արդյունքի չի հանգեցնի՝ ձախողումից բացի, ասել է Իրանի արտաքին գործերի նախարար Հոսեյն Ամիր-Աբդոլահիանը Լիբանանում, տեղեկացրել է Mehr-ը։Նա Բեյրութ է ժամանել ուրբաթ երեկոյան։
Այնուհետեւ Աբդոլահիանը մասնակցել է լիբանանցի գործընկերոջ հետ համատեղ մամուլի ասուլիսին։
Նրա խոսքով՝ Գազայում ճգնաժամի սկզբից Թեհրանը հայտարարել է, որ «պատերազմը լուծում չէ»։
Նա նշել է, որ «իսրայելական վարչակարգը ձգտում է, որպեսզի ԱՄՆ-ն խեղդվի Արեւմտյան Ասիայի ճահճում»։
«Մենք ընդգծում ենք, որ ԱՄՆ-ն պետք է շտապ դադարեցնի աջակցությունն Իսրայելի վարչակարգին, որը երեխաներ է սպանում»,- ասել է նա։
