ՀՀ-ից պաշտոնական գրություն է ուղարկվել Կրեմլ՝Հայաստանը իր վրա է վերցնում սահմանային հսկողությունը.kommersant
Հայաստանը խնդրել է ռուս սահմանապահներին հեռացնել Երևանի օդանավակայանից, գրում է kommersant.ru-ն:Հանրապետության Անվտանգության խորհրդի քարտուղար Արմեն Գրիգորյանի խոսքով համապատասխան պաշտոնական գրություն է ուղարկվել Կրեմլ։ Փաստաթղթում ասված է, որ երկրի իշխանությունները մտադիր են ինքնուրույն վերահսկել «Զվարթնոց» օդանավակայանի սահմանային անցակետը։ Պարոն Գրիգորյանը նշել է, որ «Հայաստանն այդ հարցում հստակ դիրքորոշում ունի»։Ավելի վաղ Դմիտրի Պեսկովը հայտնել էր, որ ռուս սահմանապահներին օդանավակայանից դուրս բերելու վերաբերյալ որոշումներ չեն եղել։
Նրա խոսքով «ոչ ոք պաշտոնական խողովակներով այդ որոշումները չի հայտնել»։
Հայաստանի իշխանությունների նման գործողությունների համար մի քանի նախադրյալներ կային, բացատրել է «kommersant.ru»-ի հայաստանյան թղթակից Արշալույս Մղդեսյանը:
«Այդ թեմայի շուրջ բազմաթիվ քննարկումներ են եղել հայ հասարակության մեջ, դա ճգնաժամ է հայ-ռուսական հարաբերություններում։ Այդ հայտարարության պաշտոնական պատճառը ՌԴ քաղաքացի Պետրակովի դեպքն էր, ով անցյալ տարեվերջին զորակոչվել էր ռուսական բանակ, իսկ դեկտեմբերին, ըստ մամուլի հրապարակումների, լքել էր զորամասն ու թռել Հայաստան: Այնպես էր եղել, որ երբ նա ժամանել էր Հայաստան, նրան բերման էր ենթարկել ռուսական ռազմական ոստիկանությունը, իսկ հետո արտահանձնել Ռուսաստան։ Դրա շուրջ մեծ աղմուկ բարձրացավ։ Բազմաթիվ հասարակական ակտիվիստներ և քաղաքական գործիչներ մեղադրում էին Հայաստանի իշխանություններին անգործության մեջ և զարմանում, թե ինչպես է պատահել, որ Հայաստանի տարածքում ռուսական անվտանգության ուժերը կազմակերպել են անձի ձերբակալություն կամ կալանավորում և արտահանձնում երկրի տարածքից»»,- ասել է նա։ Հիշեցնենք, որ Հայաստանը Ռուսաստանից բացի այն միակ երկիրն է, որտեղ տեղակայված են ռուս սահմանապահներ։
1992 թվականի սեպտեմբերի 30-ի պայմանագրով ԱԴԾ սպաները հայ գործընկերների հետ հսկում են Թուրքիայի և Իրանի հետ սահմանները։ Վարչությունը ներառում է չորս ջոկատ՝ Արմավիրում և Գյումրի, Արտաշատ և Մեղրի քաղաքներում։
Բացի այդ, «Զվարթնոց» օդանավակայանում տեղակայված է առանձին անցակետ։ Դժվար թե Ռուսաստանը կտրուկ արձագանքի Հայաստանի նման քայլին, կարծիք է հայտնել ՄԳԻՄՕ-ի Միջազգային հետազոտությունների ինստիտուտի առաջատար գիտաշխատող Նիկոլայ Սիլաևը:
«Նրանք ցանկանում են խզել կապերը Ռուսաստանի հետ, քանի որ իրենց գաղափարախոսությունն է թելադրում, և նրանք կարծում են, որ դրա պահը եկել է։ Ընդ որում, նրանք ակնհայտորեն վախենում են որևէ վճռական քայլի դիմելուց։ Նախ այն պատճառով, որ այդ գաղափարը Հայաստանում տարածված չէ։ Երկրորդ, քանի որ կապերը խզելու արդյունքները դժվար է հաշվարկել։ Դա վերաբերում է նաև տնտեսությանը, Հայաստանը մեծապես է կապված ռուսական շուկայի հետ։ Չեմ կարծում, որ այստեղ Մոսկվայի համար զարմանալի բան կա: Հայաստանի իշխանությունների բոլոր հայտարարությունները առնվազն վերջին 1,5 տարվա ընթացքում նույն բանի մասին են. նրանք ցանկանում են վերանայել հարաբերությունները Ռուսաստանի հետ։ Կարծում եմ, որ ռուսական մոտեցումն այնպիսին է, որ, ի վերջո, Հայաստանի ժողովրդի կամքն է առաջին կետը, և երկրորդը, որ դժվար թե հնարավոր լինի այդ հարաբերությունները մաս-մաս խզել, այսինքն հրաժարվել Ռուսաստանի հետ համագործակցությունից անվտանգության, արտաքին քաղաքականության և դաշնակցային հարաբերությունների բնագավառներում, բայց թողնել տնտեսական հարաբերությունները, որոնք այժմ կապում են երկու երկրներին։ Դե, և, իհարկե, Հայաստանի իշխանությունները փորձում են ապահովել, որ Ռուսաստանը նախաձեռնի խզումը», ասել է քաղաքագետը։
