Աննախադեպ ու չտեսնված բան է․․․Ուկրաինացիների նման տեղը տեղին չենք պատժում․․․սա նրանից է, որ ԼՂ-ն լուծարած Շահրամանյանը ՀՀ-ում կարող է «ախրանայով» շրջել
Հայաստանը որքան մեծահոգի լինի, որ թշնամու հետ համագործակցած, թշնամու երկրի քաղաքացիության դիմում գրած ու հաշվառված ամեն մեկին կարող է թվալ, որ իրեն գրկաբաց են ընդունելու ու երես ունենա՝ գա Հայաստան։Այս մասին «Ֆեյսբուք»-ի իր էջում գրել է քաղաքագետ Ստյոպա Սաֆարյանը՝ անդրադառնալով ԼՂ-ից Հայաստան տեղափոխված և լրտեսության մեղադրանքով կալանավորված Սարգիս Գալստյանին։
«Աննախադեպ ու չտեսնված բան է․․․
Դա նրանից է, որ դավաճաններին չենք պատժում։ Ուկրաինացիների նման տեղը տեղին չենք պատժում․․․
Դա նրանից է, որ Արցախը լուծարած Շահրամանյանն էլ կարող է ախրանայով շրջել Հայաստանում․․․»,- ասված է գրառման մեջ։
Ավելի վաղ հայտնել էինք, որ մարտի 29-ին Կարմիր խաչի միջազգային կոմիտեի ուղեկցությամբ Լեռնային Ղարաբաղից Հայաստան էր տեղափոխվել երկու անձ։
ԼՂ-ից Հայաստան տեղափոխված Սարգիս Գալստյանը լրտեսության մեղադրանքով կալանավորվել էր։
