Իրան-Իսրայել լարվածությունը պլանավորված բեմադրություն էր. «Գորշ գայլերի» քաղաքական թևի առաջնորդ

Բահչելին, անդրադառնալով վերջերս Իրանի և Իսրայելի միջև ծագած լարվածությանը, այն որակել է պլանավորված բեմադրություն:
«Իրան-Իսրայել լարվածությունը Գազայից ուշադրություն շեղելու համար պլանավորված բեմադրություն էր»,-ասել է նա:
Նշենք, որ Իրանի և Իսրայելի միջև հարաբերությունները լարվել էին ապրիլի 1-ից՝ երբ Իսրայելը հրթիռակոծել էր Սիրիայում գտնվող Իրանի դեսպանատունը, ինչի հետևանքով մահացել էր 7 իրանցի զինվորական, այդ թվում՝ 2 գեներալ:
Դրան ի պատասխան, Իրանն ապրիլի 14-ին լայնամասշտաբ օդային հարձակում էր իրականացրել Իսրայելի ուղղությամբ: Արձակվել էին մեծ թվով հրթիռներ և ավելի քան 100 հարվածային անօդաչու թռչող սարք (ԱԹՍ):