Ադրբեջանի և ՌԴ-ի բարձրագույն ղեկավարությունը որոշում են կայացրել ԼՂ-ից խաղաղապահների վաղաժամ դուրսբերման մասին
Երկու երկրների բարձրագույն ղեկավարությունն է որոշում կայացրել Ադրբեջանի տարածքից ռուս խաղաղապահների վաղաժամկետ դուրսբերման մասին։ Այս մասին ասել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը՝մ կապված Ադրբեջանի տարածքից ռուս խաղաղապահների դուրսբերման մասին տեղեկատվության հետ:«Հիմք ընդունելով 2020 թվականի նոյեմբերի 10-ին ստորագրված եռակողմ հայտարարությունը՝ երկու երկրների բարձրագույն ղեկավարությունը որոշում է կայացրել վաղաժամկետ դուրս բերել մեր երկրի տարածքում ժամանակավորապես տեղակայված ՌԴ խաղաղապահներին։
Նրանց դուրսբերման գործընթացն արդեն սկսվել է։ Ադրբեջանի և Ռուսաստանի պաշտպանության նախարարությունները ձեռնարկում են անհրաժեշտ միջոցներ այս որոշման կատարման համար»,- նշել է նախագահի օգնականը։
