Իրանի նախագահին տեղափոխող ուղղաթիռի վթարից մի քանի վարկածներ են հերքել
Իրանի ԶՈւ ԳՇ-ն նախագահին տեղափոխող ուղղաթիռի վթարի առնչությամբ 2-րդ հայտարարությունն է տարածել: Վթարի հիմնական պատճառը դեռ հայտնի չէ, բայց մի քանի վարկածներ են հերքել: Ըստ հայտարարության՝
Եղանակը սկզբում բարենպաստ է եղել, սակայն հետվերադարձի եղանակային պայմանները լրացուցիչ ուսումնասիրության կարիք ունեն:
Բացառվում է դիվերսիայի հետևանքով թռիչքի ընթացքում և նախքան բարձունքին բախվելը պայթյունի առաջացումը:
Վթարի ենթարկված ուղղաթիռի տեխնիկական սպասարկման և վերանորոգման հետ կապված փաստաթղթերը ուսումնասիրվել են, և այդ առումով որևէ թերություն, որը կարող է վթարի պատճառ դառնալ, չի հայտնաբերվել:
Ուղղաթիռի քաշը եղել է թույլատրելիի սահմաններում:
Վթարից 69 վայրկյան առաջ ուղղաթիռի հետ կապ եղել է. կապի համակարգում խափանումները ևս բացառվում են:
Մինչև վթարի հիմնական պատճառը պարզելը ուսումնասիրությունները շարունակվում են:
