Իրանը ոչ մի դեպքում չի ընդունի հարավկովկասյան տարածաշրջանի սահմանների և ժողովրդագրական փոփոխությունները
Իրանը ոչ մի դեպքում չի ընդունի հարավկովկասյան տարածաշրջանի սահմանների և ժողովրդագրական փոփոխությունները։Այս մասին CNN Turk-ին տված հարցազրույցում ասել է Իրանի արտգործնախարարի պաշտոնակատար Ալի Բաղերի Քանին՝ պատասխանելով հայ-ադրբեջանական բանակցությունների և այսպես կոչված «Զանգեզուրի միջանցքի» մասին հարցին։
«Մենք ողջունում ենք ցանկացած նախաձեռնություն, որը կարող է հիմք ստեղծել տարածաշրջանի զարգացման համար, բայց ոչ մի դեպքում չենք ընդունում տարածաշրջանում սահմանների և ժողովրդագրության փոփոխությունները»,- ասել է իրանցի դիվանագետը։
