Երկրաշարժ՝ Ադրբեջանում. երկրի սեյսմոլոգիական կենտրոնը դիմել է բնակչությանը
Այսօր առավոտյան 5 մագնիտուդ ուժգնությամբ երկրաշարժ է տեղի ունեցել Ադրբեջանի հարավում։ Երկրի հանրապետական սեյսմոլոգիական կենտրոնը դիմել է բնակչությանը՝ հայտնելով, որ Ադրբեջանի տարածքը գտնվում է սեյսմիկ շրջանում, երկրի հարավային շրջանը, հիմնականում՝ Թալիշ լեռները, սեյսմիկ գոտում է։«Այս առումով տարածաշրջանում պարբերաբար զգացվում են երկրաշարժեր, ինչը բնորոշ է սեյսմիկ գոտիներին։
Երկրաշարժը բնական երեւույթ է, և ստույգ կանխատեսում չկա։ Ուստի մեր քաղաքացիները պետք է որոշակի զսպվածություն դրսևորեն և հետևեն միայն պաշտոնական տեղեկատվությանը»,- նշել են Կենտրոնից։
Կոչից ակնհայտ է դառնում, որ Ադրբեջանում երկրաշարժը տագնապի պատճառ է դարձել բնակչության շրջանում։
