Արթուր Ալեքսանյանն Օլիմպիական խաղերում ըմբիշների կոլաժի Եվրոպայի դեմքն է
Հայ ըմբիշ Արթուր Ալեքսանյանը Փարիզի Օլիմպիական խաղերում մայրցամաքները ներկայացնող կոլաժում ներկայացվել է որպես Եվրոպայի դեմք:Փարիզում մեկնարկած օլիմպիական խաղերին Եվրոպայից կմասնակցի 110 ըմբիշ, Ասիայից՝ 85, Ամերիկյան մայրցամաքից՝ 55, Աֆրիկայից՝ 33, Օվկիանայից՝ 6։
Հունահռոմեական ոճի ըմբիշ, ՕԽ ոսկե, արծաթե, բրոնզե մեդալակիր, Եվրոպայի 7-ակի և աշխարհի քառակի չեմպիոն Արթուր Ալեքսանյանը Փարիզ է մեկնում Օլիմպիական կրկնակի չեմպիոնության հետևից:
«Ինձ համար բոլոր Օլիմպիական խաղերը ու նաև բոլոր մրցաշարերը, որոնց մասնակցել եմ, առանձնահատուկ են: Այս Օլիմպիական խաղերում էլ պայքարելու եմ ոսկե մեդալի և չեմպիոնության համար»,-ասել է նա։
