ԱՄՆ պետքարտուղար Էնթոնի Բլինքենն այցելել է Մերձավոր Արեվելք
ԱՄՆ պետքարտուղար Էնթոնի Բլինքենը Մերձավոր Արեւելքում է, որպեսզի փորձի համաձայնություն կնքել Գազայում հրադադարի մասին տարածաշրջանի ղեկավարների հետ բազմամսյա բանակցություններից հետո, տեղեկացրել է CBS News-ը։Բլինքենը Իսրայել է ժամանել կիրակի, որպեսզի երկուշաբթի հանդիպի երկրի վարչապետ Բենիամին Նեթանյահուի, պաշտպանության նախարար Յոավ Գալանտի եւ նախագահ Իցհակ Հերցոգի հետ։
Երեքշաբթի Բլինքենը կմեկնի Եգիպտոս՝ հանդիպելու պաշտոնատար անձանց հետ, տեղեկացրել է պետդեպարտամենտը։
Տուն վերադառնալուց առաջ նա կարող է այցելել առնվազն եւս մեկ երկիր։
Բլինքենի հետ ճամփորդող բարձրաստիճան պաշտոնյան տեղեկացրել է, որ պետքարտուղարը համոզելու է բոլոր կողմերին բանակցությունների արագ ավարտման կարեւորության մասին։
Ավելի վաղ ԱՄՆ-ը եւ մյուս միջնորդները՝ Եգիպտոսը եւ Կատարը, հայտնել էին, որ իրենք մոտ են Գազայում հրադադարի կնքման համաձայնությանը Դոհայում տեղի ունեցած բանակցություններից հետո։
ԱՄՆ նախագահ Ջո Բայդենը, իր հերթին, լավատես է, նա հայտնել է. «Մենք մոտ ենք համաձայնությանն ինչպես երբեք»։
Իսրայելական կողմն, իր հերթին, հայտնել է, որ «զգուշավոր լավատեսություն ունի» Գազայի վերաբերյալ համաձայնության հանդեպ։
