Հերհեր գյուղում անասնագոմի տանիքում այրվել է մոտ 200 հակ անասնակեր
Այսօր՝ հոկտեմբերի 14-ին, հրդեհ է տեղի ունեցել Վայոց ձորի մարզում: Ժամը 10:20-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Հերհեր գյուղի սկզբնամասում գտնվող տներից մեկի անասնագոմում հրդեհ է բռնկվել:Ինչպես հայտնում է shamshyan.com-ը, դեպքի վայր են ժամանել ՀՀ ՆԳՆ ՓԾ Վայքի հրշեջ-փրկարարական ջոկատից 1 մարտական հաշվարկ:
Պարզվել է, որ հրդեհը բռնկվել է նշված գյուղի 14-րդ փողոցի 7-րդ տան հարևանության գտնվող անասնագոմի տանիքում, որտեղ պահեստավորված է եղել մոտ 200 հակ անասնակեր:
Դեպքի վայր են ժամանել նաև ոստիկանության Վայքի հերթապահ խումբը՝ օրվա պատասխանատու հերթապահի գլխավորությամբ:
Ըստ նախնական տեղեկությունների՝ բարեբախտաբար տուժածներ չկան:
