Ինչպես է հնարավոր իդեալական դառնալ սեփական տղամարդու համար
Խնամված աղջիկը ենթադրաբար ավելի հաջողակ է հարաբերություններ կառուցելու գործում, այդ պատճառով սեփական տղամարդու համար իդեալական դառնալու ուղղությամբ առաջին քայլը սեփական կերպարի վրա ինտենսիվ աշխատելն է:Դա բոլորովին չի նշանակում, թե անհրաժեշտ է տոննաներով դիմահարդարում անել և դուրս չգալ գեղեցկության սրահներից:
«Եթե աղջիկը գեղեցիկ մաշկ և մազեր ունի, ուրեմն արդեն ինչ-որ բանի հասել է կյանքում»:
Իդեալական աղջիկն իր տղամարդուց մի քիչ ավելի հիմար է, դա փաստ է (որը, ի դեպ, տղամարդիկ են հորինել):
Թույլ տուր, որ նա շարունակի իր մտավոր գերազանցության պատրանքն ունենալ:
Իմաստուն կինը հիմար կինն է: Այդպիսին է մեր փիլիսոփայությունը:
Ինչ էլ լինի, հարգիր սեփական տղամարդուն: Չարժե ուղղակիորեն մատնանշել նրա թերությունները, մանավանդ` դրանք քննարկել ընկերուհիների հետ: Նա քո ընտրությունն է և դու պիտի գնահատես նրան և առիթ չտաս կասկածելու քո զգացմունքներին:
Սեքսուալ կարճ կիսաշրջազգեստի տեսքով խանդի թեթեւակի առիթը հաշիվ չէ: Հարգիր նաեւ նրա հոբբիները: Երբ նա հերթական անգամ պատրաստվում է մարզումների մեկնել, հիստերիկա մի սարքիր, որ սիրելին քեզ քիչ ժամանակ է հատկացնում, դու էլ նրա հետ գնա, միասին երեկո անցկացնելու հրաշալի առիթ է:
«Սղոց» մի եղիր: Գիտե՞ս, թե տղամարդկանց մեծամանությունը ինչ է ստիպված լինում ամեն օր լսել իր կեսերից, ոտքը շեմքից հազիվ ներս դրած: Որ քիչ փող է վաստակում, որ գուլպաներն էլի այս ու այն կողմ է նետել, որ դարձյալ նրա բջջայինի ռինգթոնն է միացել ու ընդհանրապես այդ սվիտրով հիմարի տեսք ունի: Ուրեմն նրա համար նորմալ սվիտր ընտրիր:
Սենյակում բասկետբոլի զամբյուղի նման մի բան կախիր (միայն թե պաշտպանական ցանցով), թող գուլպաներն այնտեղ նետի, գոնե նույն տեղում կլինի, իսկ ռինգթոնը… այնպիսի մանրուք է: Ի վերջո քո ընկերը/ամուսինը եւս հիացած չէ ձեր ընդհանուր համակարգչի աշխատանքային սեղանին հերթական «վանիլից», բայց նա իր պահանջները չի բարձրաձայնում:
Սկզբունքորեն տղամարդու համար իդեալական աղջկա ամբողջ ցուցակը կարող է ձեւակերպվել երեք բառով. գեղեցիկ է, ճաշ է եփում, լռում է: Ամենակարևորը նա հոյակապ է սեքսում, այ հիմա արդեն վերջ: Իսկ եթե շատ բծախնդիր է, նրան մի ասացվածք հիշեցրու. իդեալ ես ուզում, համապատասխանիր դրան:
