Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

28 հոկ 2016 19:55

Ժպիտը քողարկում է մարդու զայրույթը, թախիծը, վախը

Եթե ցանկանում եք նվազեցնել սթրեսը, բարելավել ամուսնական հարաբերությունները, ապրել առողջ և երջանիկ կյանքով, ապա ժպտացեք:  
Ժպիտը բազմաթիվ  մեկնաբանություններ ունի. 
1.     Ժպիտը երջանկության նշան է:
2.     Ժպիտը ամրապնդում է իմունային համակարգը:
3.     Ժպտալու ընթացքում մարմնի մկանների լարվածությունը թուլանում է:
4.     Ժպիտը վարակիչ է. եթե ինչ-որ մեկը ժպտում է, դուք նույնպես ժպտում եք:
5.     Ժպիտը նվազեցնում է սթրեսը:
6.     Նույնիսկ ստիպված ժպտալը բարձրացնում է տրամադրությունը: 
Դեռևս Դարվինը նշել է, որ ժպիտը ոչ թե լավ զգացողության հետևանք է, այլ մեզ ստիպում է լավ զգալ: Գիտենք նաև, որ ժպիտը կարող է պաշտպանական լինել` թաքցնելով լարվածությունը, ագրեսիան, դեպրեսիան, սթրեսը: Պոլ Էկմանի կարծիքով, ժպիտը քողարկում է մարդու զայրույթը, թախիծը, վախը: Ժպիտը հաճախ  բացասական էմոցիաների դիմակ է: Ըստ նրա, ժպիտ նախընտրում են նաև այն պատճառով, որ երջանիկ դեմքի արտահայտությամբ հեշտ է խաբել: 
Ժպիտը նաև միջոց է դուր գալու և հաղորդակցումը հեշտացնելու համար: Ըստ Դեյլ Քարնեգիի, ոչինչ չի կարող այդչափ նպաստել հարաբերությունների դրական զարգացմանը, ինչպես ժպիտը: Այն հարստացնում է մարդկանց, ովքեր ստանում են, չաղքատացնելով նրանց, ովքեր տալիս են: Իսկ ժեստերի և միմիկայի վերլուծության հեղինակ Ալլան Պիզը նշել է, որ ժպիտը վստահություն է ներշնչում, և այն առաջինն է, որ տեսնում է զրուցակիցը:
Գիտնականները պարզել են նաև, որ ժպիտը դրական է ազդում մարդու ուղեղի աշխատանքի վրա, լավացնում է հիշողությունը, մտածողությունը, նպաստում նոր գաղափարների դրսևորմանը, առույգությանը: 
Ինչ խոսք, ժպիտն ամենապարզ, հաճելի և միևնույն ժամանակ անգնահատելի նվեր է, որ մարդիկ կարող են պարգևել միմյանց:
Ժպտացող մարդը փոխում է և իրեն, և շրջապատը: 
 
Սթրեսի և ցավի կառավարման կենտրոնի ղեկավար
հ.գ.թ. Սոնա Հարությունյան
                            

Մեկնաբանություններ


Համընկնող լուրեր