Թուրքիան համոզել է Ռուսաստանին և Իրանին չաջակցել Ասադին, հայտարարել է Թուրքիայի ԱԳ նախարարը
Թուրքիան համոզել է Ռուսաստանին և Իրանին չաջակցել Ասադին։ Հայտարարել է Թուրքիայի արտաքին գործերի նախարար Հաքան Ֆիդանը, գրել են ԶԼՄ-ները։«Իրականում ռեժիմը [Ասադը] վերջին 2-3 տարիներին շատ թույլ է եղել։ Ամենակարևորն այն էր, որ ռուսները չմիջամտեն։ Ժամանել է Իրանի արտգործնախարարը, Դոհայում հանդիպել ենք ռուսների ու իրանցիների հետ, զրուցել ենք որոշ հարցերի շուրջ։ Ռուսները և իրանցիները հասկացան, որ աջակցությունը շարունակելու իմաստ չկա, և ինչ-որ պահի զանգահարեցին, և նույն օրը երեկոյան Ասադը հեռացավ»,- նշել է Ֆիդանը։
