Հռոմի պապը դաժանություն է որակել և դատապարտել Իսրայելի գործողությունները Գազայում
Հռոմի Ֆրանցիսկոս պապն իր ավանդական կիրակնօրյա քարոզից հետո դաժանություն է որակել այն, ինչ տեղի է ունենում Գազայում՝ կրկին դատապարտելով այն:Ինչպես փոխանցում է ՏԱՍՍ-ը, Հռոմի պապը կոչ է արել աղոթել հանուն սուրբծննդյան զինադադարի ռազմական հակամարտությունների բոլոր բեմերում:
«Ցավով մտածում եմ Գազայի մասին, դաժանության, ռմբակոծվող երեխաների, դպրոցների և հիվանդանոցների ավերումի մասին»,-ասել է նա։
Նախօրեին Հռոմի պապը քննադատել էր Իսրայելի հասցրած օդային հարվածները Գազային՝ նշելով, որ այդ գործողությունների հետևանքով երեխաներ են մահանում։ Նա նաև ասել է, որ Երուսաղեմի կաթոլիկ պատրիարք Պիերբատիստա Պիցաբալային Գազա չեն թողել։
Ավելի ուշ իսրայելական կողմը հերքել է բոլոր մեղադրանքները։ Իսրայելի ԱԳՆ-ն հայտարարություն է տարածել, որում Ֆրանցիսկոսի հայտարարություններն անվանել է ճշմարտությունից բաժանված և պոնտիֆիկոսին կշտամբել երկակի ստանդարտների համար։
