Մոլդովան կարող է արգելել FlyOne Armenia-ի և այլ ավիաընկերությունների գործունեությունը
Մոլդովայի ենթակառուցվածքների և տարածաշրջանային զարգացման նախարարությունն առաջարկում է արգելք մտցնել մի քանի երկրների, այդ թվում Ռուսաստանի և Հայաստանի ավիաընկերությունների գործունեության վրա, գրել է «РИА Новости»-ն։Նախարարությունը հանրային քննարկման է ներկայացրել «Մոլդովայի տարածքում շահագործման արգելման ենթակա ավիափոխադրողների ցանկը հաստատելու մասին» նախագիծը։ Դրա նպատակն է «ազգային օրենսդրությունը համապատասխանեցնել Եվրամիության չափանիշներին»:
Ցուցակում ընդգրկված են ավիաընկերություններ ավելի քան 20 երկրներից, այդ թվում՝ Ռուսաստանից, Հայաստանից, Աֆղանստանից, Ղրղզստանից, Տանզանիայից, Կոնգոյից, Իրանից, Լիբիայից և Սուդանից։
Կարգելվեն ռուսական «Ավրորա», «Ավիաստար-ՏՈՒ», «Իժավա», «Յակուտիա», «ՌուսՋետ», «ՅՈՒՎՏ Աէրո», «Սիբիր», «Սմարտավիա», «ԻրԱէրո», «Ուրալյան ավիաուղիներ», «ԱԼՌՈՍԱ», «ՆորդՍտար», «ՌուսԼայն», «Յամալյան ավիաուղիներ», «NordWind», «ԱյՖլայ», «Պոբեդա», «Աէորֆլոտ», «Ռոսսիա», «ՍԿՈԼ», «Յու-տէյր» ավիաընկերությունները։
Հայաստանյան ավիաընկերություններից FlyOne Armenia-ն կարգելվի, ինչպես նաև նույն խմբից հենց մոլդովական FlyOne-ը: Նախագիծը հանրային քննարկման է հասանելի մինչև հունվարի 9-ը։
