Պուտինը պատրաստ է հանդիպել Թրամփի հետ առանց նախապայմանի
Ռուսաստանի նախագահ Վլադիմիր Պուտինը պատրաստ է առանց որևէ պայմանի հանդիպել ԱՄՆ նոր առաջնորդ Դոնալդ Թրամփի հետ։ Նման շփումների կազմակերպումը պահանջում է Վաշինգտոնի ցանկություն և քաղաքական կամք։ТАСС-ի փոխանցմամբ՝ այս մասին ճեպազրույցի ժամանակ ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Թրամփի հայտարարությունը նախագահ Պուտինի հետ հանդիպելու մտադրության մասին։
«Նախագահ Պուտինը բազմիցս հայտարարել է, որ բաց է միջազգային առաջնորդների, այդ թվում՝ ԱՄՆ նախագահ Դոնալդ Թրամփի հետ շփումների համար»,-հիշեցրել է Կրեմլի խոսնակը ու հավելել. «Դրա համար ոչ մի պայման չի պահանջվում»։
