ԱՄՆ-ն ու Ռուսաստանն արագացրել են Պուտին-Թրամփ հանդիպման կազմակերպման տեմպերը
ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու ձախողված բանակցություններից հետո Սպիտակ տան ղեկավարի և Ռուսաստանի նախագահ Վլադիմիր Պուտինի հանդիպման կազմակերպման տեմպերը «արագացել են»։ Այս մասին հայտնում է CNN հեռուստաալիքը։Հեռուստաալիքի տվյալներով՝ Կիևի և Վաշինգտոնի միջև ուկրաինական օգտակար հանածոների վերաբերյալ գործարքի խզման պատճառով ռազմական գործողությունները դադարեցնելու շուրջ բանակցությունները «հետին պլան են մղվելու»։ Սպիտակ տունը և Մոսկվան կենտրոնանալու են ԱՄՆ-ի և Ռուսաստանի միջև «պոտենցիալ շահութաբեր գործարքների» քննարկման վրա։
CNN-ը նաև հաղորդել է, որ շուտով կարող է կայանալ Ռուսաստանի և ԱՄՆ-ի բարձրաստիճան պատվիրակությունների բանակցությունների երկրորդ փուլը, կողմերը կարող են քննարկել «որոշ էներգետիկ գործարքներ»։
