Ոչ թե պատերազմն է եղել մեր իշխանության ժամանակ, այլ մենք ենք եղել պատերազմի ժամանակ իշխանություն
Տարածքային կառավարման և ենթակառուցվածնքերի նախարար Դավիթ Խուդաթյանը՝ անդրադառնալով վարչապետ Նիկոլ Փաշինյանի կողմից հոգևորականներին արված հայհոյախառն ու վիրավորական հայտարարություններին նշեց. «Հրապարակային հարց է հնչել եկեղեցական գլխավոր կարգերից և պայմաններից մեկի մասով և կարծում եմ՝ պիտի հրապարակային պատասխան լինի, որպես հայ քրիստոնյա եմ ասում՝ վարդապետների կուսակրոնության հարցը միայն իրենց չի վերաբերվում»: Հարցի՝ ի՞նչ հարց հնչի պետք է դրանց պատասխան տրվի, նախարարն ասաց. «Այո, եթե կուսակրոնությունը եկեղեցում որոշակի պաշտոնից վերև պարտադիր պայման է, այո, պիտի այդտեղ հնչի հրապարակային պատասխան»:
Դիտարկմանն էլ՝ նրանց իշխանության օրոք հանձնվեց Արցախը, ունեցանք պատերազմ, հազարավոր զոհեր, օկուպացված են ՀՀ պետական տարածքներ, այդ հանգամա՞նքն է շատ ավելի խնդիր, թե Վեհափառի հնարավոր զավակ ունենալը, նա ասաց. «Եթե դուք այդտեղ հիմնավորեիք, որ ձեր թվարկած պրոցեսները չէին լինի, եթե քաղաքացիական պայմանագիրը չլիներ իշխանություն, դա այլ հարց է: Վարչապետն այդտեղ էլ մեկնաբանություն արել է, որ ոչ թե պատերազմ է եղել մեր իշխանության ժամանակ, այլ մենք ենք եղել պատերազմի ժամանակ իշխանություն»։
