Օգոստոսի 1-ից սկսած, ուղետոմսի թղթային՝ QR կոդով տարբերակը այլևս չպետք է գործի
Երևանի ավտոբուսներից օգտվելու համակարգը բարելավելու նպատակով քաղաքապետը հանձնարարել է ապահովել, որպեսզի օգոստոսի 1-ից դադարեցվի ուղետոմսերի թղթային՝ QR կոդով տարբերակի օգտագործումը։Երևանի ավտոբուսային միասնական տոմսային համակարգի ներդրումից հետո քաղաքապետ Տիգրան Ավինյանը թերհավաքագրման պատճառներից մեկը համարում է հենց թղթային QR կոդով տոմսերի կիրառումը։
«Թվային տարբերակի QR կոդի օգտագործումը պետք է ապահովվի այս ամառվա ընթացքում», – նշել է քաղաքապետը գործակարգավարական խորհրդակցության ժամանակ՝ հավելելով, որ հանձնարարել է քննարկել այս հարցը Telcell ընկերության գործընկերների հետ։
«Ամենայն հավանականությամբ, օգոստոսի 1-ից սկսած, ուղետոմսի թղթային՝ QR կոդով տարբերակը այլևս չպետք է գործի։ Թերհավաքագրման խնդիրներից մեկը հենց դա է»,–ընդգծել է Ավինյանը։
