Պեսկովն անդրադարձել է Սամվել Կարապետյանին և «հեղաշրջման փորձը» կանխելու մասին լուրերին
Մոսկվան կապի մեջ է Երևանի հետ, այդ թվում՝ կալանավորված գործարար Սամվել Կարապետյանի հարցով, հայտարարել է Ռուսաստանի նախագահի մամուլի քարտուղար Դմիտրի Պեսկովը։«Այո, իհարկե մենք կապի մեջ ենք մեր գործընկերների հետ Հայաստանում, Երևանում… Եվ բնականաբար, քանի որ Կարապետյանը նաև Ռուսաստանի Դաշնության քաղաքացի է, իրականացվում են համապատասխան շփումներ»,–Պեսկովի խոսքերը մեջբերում է «ՌԻԱ Նովոստի»-ն։
Դմիտրի Պեսկովը անդրադառնալով Հայաստանում իրավապահների կողմից հեղաշրջման փորձ կանխելու մասին լուրերին ասել է.
«Սա, անշուշտ, Հայաստանի ներքին գործն է։ Իհարկե, մենք շահագրգռված ենք, որ Հայաստանում պահպանվի օրենքն ու կարգը, և որպեսզի Հայաստանը լինի բարգավաճ, կայուն, Ռուսաստանին բարեկամ երկիր»,-նշել է Պեսկովը։
