Հարձակումները հազարամյակների պատմություն ունեցող Հայ Առաքելական եկեղեցու դեմ խորագույն մտահոգություն են առաջացնում
Հայաստանում տեղի ունեցող իրադարձությունները երկրի ներքին գործն է, սակայն եկեղեցու դեմ հարձակումները լուրջ մտահոգություն են առաջացնում, հայտարարել է ՌԴ արտաքին գործերի նախարար Սերգեյ Լավրովը։«Պարզ է, որ մեր հարևանների ներքին գործն է, սակայն, անկասկած, հարձակումները հազարամյակների պատմություն ունեցող Հայ Առաքելական եկեղեցու դեմ խորագույն մտահոգություն են առաջացնում։ Եկեղեցին միշտ եղել է հայկական հասարակության հիմնական հենասյուներից մեկը, և մենք շատ կցանկանայինք, որ այն չդառնար անհիմն հարձակումների թիրախ», — ասել է Լավրովը։
Նախարարը հավելել է․ «Մենք շահագրգռված ենք, որ այս իրավիճակը հնարավորինս արագ կարգավորվի Հայաստանի Սահմանադրության հիման վրա՝ հավատացյալների իրավունքների և այլ մարդկային իրավունքների լիարժեք հարգման պայմաններում»։
