«Լադա»-ն բախվել է բետոնե արգելապատնեշներին և հայտնվել մայթին, կա տուժած
Երեկ՝ հուլիսի 8-ին, ավտովթար է տեղի ունեցել Երևանում։ Ինչպես հայտնում է Shamshyan.com-ը, ժամը 21։20-ի սահմաններում «Հյուսիս-հարավ» ավտոճանապարհի «Դեֆանս հաուզինգ» բնակելի թաղամասի մոտ Երևանի բնակիչ 22-ամյա Դավիթ Բաբայանը, իր վարած «Լադա» մակնիշի ավտոմեքենայով, բախվել է բաժանարար գոտու բետոնե արգելապատնեշնեին և հայտնվել հետիոտնի համար նախատեսված մայթին։Վարորդին առաջինը օգնության են հասել «Դեֆանս հաուզինգ» բնակելի թաղամասի անվտանգության աշխատակիցները, ովքեր այնուհետև ահազանգել են շտապօգնություն, ու մինչ կժամանեին շտապօգնության բժիշկները, «Դեֆանս հաուզինգ»-ի աշխատակիցները առաջին բուժօգնություն են ցուցաբերել վիրավորին, ապա շտապօգնության բժիշկները նրան տեղափոխել են «Աստղիկ» բժշկական կենտրոն:
Վթարի փաստով քննչական բաժնում նախաձեռնվել է քրեական վարույթ։
