«Մեր ձևով» շարժումն իրականացնելու է գործողություններ հինգ ուղղություններով, շարժումից բացի կստեղծվի նաև կուսակցություն
Նարեկ Կարապետյանը, որը նաև շարժման համակարգող ղեկավարն է նշեց, որ Շարժումն իրականացնելու է գործողություններ հինգ ուղղություններով, ստեղծվելու է հինգ աշխատանքային խումբ:
«Առաջին խումբը մենք անվանել ենք նոր տնտեսութուն՝ աշխատանք բոլորի համար, բարեկեցություն բոլորի համար: Մենք հավաքելու ենք համաշխարհային և Հայաստանի տնտեսագետների թիմ, և նրանք մշակելու են Հայաստանի տնտեսական զարգացման նոր մոդելը»,- ասաց նա:
Երկրորդ խումբը կոչվելու է մեծ հայկական ընտանիք: Կարապետյանի ներկայացմամբ այն զբաղվելու է երիտասարդ ընտանքիների խնդիրներով, դրանց լուծում տալու ուղղությամբ:
Երրորդ խումբը, արտաքին քաղաքական հայեցակարգ մշակող խումբն է:
Շարժման չորրորդ խումբը զբաղվելու է տաղանդավոր երեխաների և երիտասարդների ուսման հետ կապված խնդիրները լուծելու ծրագրերի մշակմամբ:
Հինգերորդ խումբը Հայ Առաքելական սուրբ Եկեղեցու և ազգային արժքենրի պահպանության խումբն է:
Նարեկ Կարապետյանը հայտնեց նաև, որ «Մեր ձևով» շարժումից բացի ապագայում կստեղծվի կուսակցություն:
«Կամավորական շարժումն այն հարմար ձևաչափն է, որը թույլ կտա առանց հասարակությանը բաժանելու համախմբել մարդկանց՝ մեծ ու բարի գործեր անելու համար, մարդկանց, ովքեր պատրաստ են անձնուրաց ծառայել հանրօգուտ նպատակին։ Շարժման մասնակիցները կարող են լինել տարբեր մասնագիտությունների և հայացքների տեր մարդիկ, ովքեր կցանկանան աշխատանքից ազատ ժամանակ մասնակցել շարժման նախաձեռնություններին:
Սա մեր կատարելիք աշխատանքի միայն առաջին փուլն է։ Հայաստանում առաջիկայում սպասվում են ընտրական գործընթացներ, և դրանց մասնակցելու համար օրենքով նախատեսված ամենահարմար ձևը կուսակցական մասնակցությունն է։ Մեր գործունեության երկրորդ փուլում պատրաստվում ենք մշակված մասնագիտական ծրագրերն ու նախագծերը, շարժման հիման վրա ստեղծվելիք կուսակցության միջոցով վերածել պետական ծրագրերի։ Վստահ ենք, որ այդ հնարավորությունը կունենանք 2026 թվականին կայանալիք ընտրությունների արդյունքում»,– նշեց Նարեկ Կարապետյանը։
