Պուտինն ու Էրդողանը Չինաստանում կքննարկեն Կովկասում իրավիճակը
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը սեպտեմբերի 1-ին Չինաստանի Տյանծին քաղաքում Շանհայի համագործակցության կազմակերպության գագաթնաժողովի շրջանակում նախատեսվող հանդիպման ընթացքում կքննարկեն նաև Կովկասյան տարածաշրջանում իրավիճակը։ Ինչպես տեղեկացնում է «Արմենպրես»-ը, վկայակոչելով «Interfax»-ը, այս մասին լրագրողներին հայտնել է ՌԴ նախագահի օգնական Յուրի Ուշակովը։Հանդիպման օրակարգում լինելու են ինչպես երկկողմ համագործակցության հարցեր, այնպես էլ միջազգային խնդիրներ։
«Բացի Ուկրաինայի շուրջ իրավիճակից և Մերձավոր Արևելքում սրացումից, անշուշտ, քննարկում կլինի Կովկասյան տարածաշրջանից»,– նշել է Ուշակովը։
