ԱՄՆ-ն Իրանին առաջարկել է 48-ժամյա հրադադար հաստատել, Իրանը մերժել է
ԱՄՆ-ն երրորդ երկրի միջոցով Իրանին առաջարկել է 48-ժամյա հրադադար հաստատել, Իրանը մերժել է՝ շարունակելով հարձակումները՝ գրավոր պատասխան տալու փոխարեն, գրում է Fars-ը։Թեհրանը կարծում է, որ առաջարկը պայմանավորված է «Իրանի ռազմական ներուժի սխալ գնահատմամբ» և տարածաշրջանում ԱՄՆ ուժերի առջև ծառացած կարևոր խնդիրներով, որոնք առաջացել են լարվածության սրումից հետո: Իրանը հրաժարվել է գրավոր կամ դիվանագիտական պատասխանից: Դրա փոխարեն «պատասխանը մարտադաշտում գործողություններն էին»՝ շարունակելով և ուժեղացնելով ամերիկյան թիրախների վրա հարվածները:
Թեհրանը հստակեցրել է, որ մտադիր չէ ժամանակավոր զիջումների գնալ Վաշինգտոնի պայմաններով՝ պահանջելով ագրեսիայի լիակատար դադարեցում։
Հիշեցնենք, որ փետրվարի 28-ին ԱՄՆ-իսրայելական ուժերը հարվածել էին Իրանին, որից հետո Իրանը սկսել էր հարվածել Իսրայելին ու տարածաշրջանի երկրներում գտնվող ԱՄՆ-ի բազաներին։
