ԱՄՆ-ը պատժամիջոցներ կկիրառի Ռուսաստանի, Սիրիայի և Իրանի դեմ
ԱՄՆ Կոնգրեսի Ներկայացուցիչների պալատը ընդունել է օրինագիծ, որով նախատեսվում է սանկցիաներ կիրառել Սիրիայի նախագահ Բըշար ալ-Ասադի վարչակազմի, ինչպես նաեւ այն բոլոր պետությունների դեմ, որոնք օժանդակում են վերջինիս` ներառյալ նաեւ Իրանը եւ Ռուսաստանը: Այս մասին հայտնում է ռուսական ՏԱՍՍ լրատվական գործակալությունը:ԱՄՆ Կոնգրեսի Ներկայացուցիչների պալատի Արտաքին հարաբերությունների կոմիտեի ղեկավար, հանրապետական Էդ Ռոյսը օրինագիծը ներկայացնելիս հայտարարել է, որ սանկցիաները կսահմանվեն տնտեսության ամբողջական սեկտորների վրա, որոնք անհրաժեշտ են Դամասկոսի ներկա իշխանություններին ռազմական գործողությունները շարունակելու համար: Օրինագծի հեղինականերից Էլիոտ Էնգելն էլ, մասնավորապես, ասել է, որ սանկցիաները նախատեսվում են մտցնել բոլոր նրանց հանդեպ, ովքեր աջակցում են Ասադին:
