Տեսանյութ. Փաշինյանի հրատապ հավաքին ներկա է նաև ՊՆ նախարարը. Mediahub.am          Մեքսիկայում պոչով երեխա է ծնվել. 2 ամիս անց նկատել են, որ աղջկա պոչը շարունակում է աճել       Ալիևը բռնել է եվրոպացիների դամարը.Ինչի՞ հետևանք է Կլաարի ադրբեջանանպաստ դիրքորշումը    

26 դեկ 2016 17:50

Բանակցում ենք գաղափարախոսությամբ մեզ հարազատ կուսակցությունների հետ հնարավոր դաշինքի ստեղծման համար

Հայացք մամուլի ակումբում  ՍԴՀԿ Հայաստանի վարչության ատենապետ  Նարեկ Գալստյանն ամփոփեց  2016թ-ի քաղաքական տարին և խոսեց առաջիկա նախընտրական անելիքներից:

Նարեկ Գալստյանը 2016թ-ի համար մատնանշեց երկու կարևոր խնդիր` ապրիլյան քառօրյա պատերազմը և ՊՊԾ գնդի գրավումը «Սասնա ծռեր»-ի կողմից. «Ենթադրվում էր, որ այդ իրադարձությունները էականորեն կփոխեն ներհայաստանյան կյանքը, բայց, այսօր բովանդակային առումով մեր երկրում ոչինչ չփոխվեց՝ քաղաքական, սոցիալական և տնտեսական խնդիրները շարունակում են մնալ բավական սուր»,-ասաց Նարեկ Գալստյանը: Առաջիկա կարևոր իրադարձությունը նա համարում է արցախյան խնդիրը և գարնանը սպասվող խորհրդարանական ընտրությունները:

Նարեկ Գալստյանը նկատեց, որ 2017թ. խորհրդարանական ընտրություններին Սոցիալ-դեմոկրատ հնչակյան կուսակցությունը կփորձի մասնակցել դաշինքով, սակայն նա չնշեց կուսակցությունների անուններ, թե ում հետ են ընթանում բանակցությունները. «2017թ. ընտրություններին մասնակցելու ենք, ունենք կոնսուլտացիոն շփումներ Ռամկավարների հետ: Հիմա բանակցում ենք գաղափարախոսությամբ մեզ հարազատ կուսակցությունների հետ հնարավոր դաշինքի ստեղծման համար: Չեմ կարող բարձրաձայնել՝ ում մասին է խոսքը, որովհետև կոռեկտ չէ վերջնական պայմանավորվածություն չլինելու դեպքում անուններ տալը: Հույս ունեմ կոնսոլիդացիան կիրականացվի: Մենք մեր վերջնական ձեւաչափը կհստակեցնենք հունվարի 15-ին. կլինի դաշինք, դաշինքով կմասնակցենք, չլինի՝ մենք մենակ կմասնակցենք»,- ասաց Նարեկ Գալստյանը:

Մեկնաբանություններ


Համընկնող լուրեր