«Ստատուս-քվոն այլևս հնարավոր չէ պահպանել». Պյոտր Սվիտալսկին՝ Արցախի հարցի մասին

«ԵՄ հիմնարար սկզբունքները բարձրաձայնվել են այդ հանդիպման ժամանակ, և կարող եմ ասել, որ հայկական կողմը խիստ բավարարված է Ֆեդերիկա Մոգերինիի կողմից բարձրաձայնված դրույթների մասով»:
Դեսպանը նշեց, որ  ԵՄ-ն մեծապես սատարում է ՄԽ համանախագահների գործողությունները.

«Մենք լիարժեքորեն սատարում ենք նաև համանախագահների վերջին  հայտարարությունը։ Մենք հավատում ենք, որ ստատուս-քվոն այլևս հնարավոր չէ պահպանել, մենք հավատում ենք, որ հրադադարի համաձայնագիրը պետք է հարգվի, մենք հավատում ենք, որ չկա այս հակամարտության ռազմական լուծում, և մենք հավատում ենք, որ հետաքննության մեխանիզմները, նաև՝ վստահության ձևավորման մեխանիզմները պետք է իրականացնել»։

Սվիտալսկին նշեց, որ Եվրամիությունը պատրաստ է Լեռնային Ղարաբաղի հակամարտության կարգավորումից հետո ֆինանսական աջակցություն տրամադրել բնակչությանը: «Երբ այս հակամարտությունը լուծվի, և երբ խաղաղությունը վերադառնա Արցախ, Եվրամիությունը պատրաստ է զգալի գումարներով աջակցել այդ տարածքի բնակիչներին»,-ասաց նա։