«Լավ են արել, մի հատ հաշվեք, թե քանի շիշ է գլխիս ընկել». Ոստիկանապետը՝ լուսաձայնային նռնակներ կիրառելու մասին          Ոստիկանությունն անցավ հատուկ միջոցների․ կիրառվում են լուսաձայնայն նռնակներ       Ինչո՞ւ են Մոսկվան և Արևմուտքը հեռու մնում հայաստանյան իրադարձություններից. չբացահայտված ինչ-որ արտաքին ո՞ւժ է ազդել այս իրադարձությունների վրա    

07 հուն 2017 17:41

Հովհաննես Թումանյանին նվիրված հանրագիտարան, որն առաջինն է հայ իրականության մեջ. Տեսանյութ

Հովհաննես Թումանյանին նվիրված հանրագիտարան, որն առաջինն է հայ իրականության մեջ. ՏեսանյութՀայացք մամուլի ակումբում Հայկական Հանրագիտարան հրատարակչության գլխավոր խմբագիր, տնօրեն Հովհաննես Այվազյանը, բանասիրության դոկտորներ Ազատ Եղիազարյանը և Սուսաննա Հովհաննիսյանը խոսեցին Հովհաննես Թումանյանի 150 ամյակի առթիվ՝ ստեղծագործական, գիտական, կենսագրական հանրագիտարանի նախաձեռնություն, հանրագիտական գրականության և հրատարակչության հարցերի, խնդիրների շուրջ:

Հովհաննես Թումանյանի 150 ամյակի առթիվ Հայկական Հանրագիտարան հրատարակչության կողմից կհրատարակվի մեծ գրողին նվիրված հանրագիտարան, որում ներառված կլինի նրա ստեղծագործական, գիտական, հասարակական-քաղաքական գործունեությունը:
Հրատարակչության գլխավոր խմբագիր, տնօրեն Հովհաննես Այվազյանընշեց. «Կարծում եմ երկու տարիննորից քիչ է հիմնարար հանրագիտարան պատրաստելու համար, բայց մտածում ենք, որ, այնուամենայնիվ, կտեղավորվենք և բանաստեղծի 150 ամյակին մի լուրջ հանրագիտարան կստեղծենք: Ուզում եմ ասել նաև, որ պետական մակարդակով արդեն սկսվել են տարատեսակ միջոցառումների նախագծումներ այդ հրաշալի հոբելյանը բարձր մակարդակով, մեծ շուքով նշելու համար: Շատ ծանր, պատասխանատու աշխատանք անելու համար մեզ պետք էր համախմբել Հանրապետությունում եղած այն մտավորականությանը, ովքեր զբաղվել և զբաղվում են Հովհաննես Թումանյանով, նրա ստեղծագործություններով, նրա հասարակական, ազգային ոլորտների գործունեությամբ: Այսօր եղած ուժերով մենք պետք է փորձենք առավելագույնն անել այդ հանրագիտարանը պատրաստելու համար»:

Հովհաննես Այվազյանի համոզմամբ՝ սա իր տեսակի մեջ առաջին հանրագիտարանն է, որ պետք է նվիրվի հայ գրողի կյանքին և ստեղծագործություններին: Նա հույս հայտնեց, որ այս հանրագիտարանը կունենա իր հրաշալի շարունակությունը՝ ի դեմս այլ գրողների:  
Սուսաննա Հովհաննիսյանն էլ նկատեց. «Մենք միշտ պետք է հիշենք, որ Թումանյանը ամենայն հայոց բանաստեղծն է: Եվ այնպիսի կենսագրություն, ինչպիսին Թումանյանինն է, վստահեցնում եմ ձեզ, մշակույթի պատմության մեջ դժվար է գտնել»: 

Բանասիրության դոկտոր, գրականագետ Ազատ Եղիազարյանն էլ ասաց. «Ինչու է Թումանյանը մեզ համար այդքան թանկ: Նրա ստեղծագործությունն այնքան խորն է, որ դա այդքան հեշտ չէ հասկանալ: Այս հանրագիտարանի մեջ մենք պետք է փորձենք գաղափար տալ նաև ստեղծագործության մասին, միևնույն ժամանակ փորձելու ենք բացատրել՝ ինչու է Թումանյանը մեծ»:

Մեկնաբանություններ


Համընկնող լուրեր