Արայիկ Խանդոյանը գլխացավեր, գլխապտույտ ունի. պաշտպան
Օրեր առաջ դատարանի ներսում ծեծի ենթարկված (ըստ պաշտպանական կողմի ծեծի է ենթարկվել 15 հոգու կողմից) Արայիկ Խանդոյանը գլխացավեր, գլխապտույտ ունի: Այս մասին ֆեյսբուքյան իր էջում գրել է Խանդոյանի պաշտպան Արա Ղարագյոզյանը:
«Այսօր Նուբարաշեն ՔԿՀ-ում տեսակցել եմ իմ պաշտպանյալ Արայիկ Խանդոյանին, ունեն ահավոր գլխացավեր, գլխապտույտ, և ընդհանուր զգացողության վատացում: Եվ առողջական վիճակի վատացումը կապված է նրան դատարանուկ ոստիկանների կողմից խոշտանգելու և ծեծի ենթարկելու դեպքի հետ:04.07.2017 թ միջնորդություն եմ ներկայացրել ՀՀ ԱՆ Նուբարաշեն ՔԿՀ-ի պետին, որ Ա.Խանդոյանին տանեն քաղաքացիական հիվանդանոց գլխուղեղի համակարգչային շերտագրում, տոմոգրաֆիա / կատե/ կատարելու նպատակով»:
