Տղամարդը մի քանի օր առաջ կրկին ինքնասպանության փորձ էր արել․ մանրամասներ Արագածոտնում տեղի ունեցած ողբերգական դեպքից
Արագածոտնի մարզի Կաթնաղբյուր գյուղի տներից մեկում փետրվարի 25-ին հայտնաբերվել է 1961 թվականին ծնված տղամարդու դի: ArmLur.am-ի տեղեկություններով, ինքնասպան եղած տղամարդը Հայկ Հունանյանն էր, ով ապրում էր միայնակ, երկու տարի առաջ էր Հայաստան վերադարձել, իսկ մինչ այդ Բելգիայում է ապրել: Նրա ինքնասպանության պատճառների մասին վարկածներ առայժմ հայտնի չեն:
Նրան գազի խողովակից սավանով կախված վիճակում հայտնաբերել են 6-րդ դասարանի աշակերտներ, որոնցից մեկն այդ գյուղի էլեկտրիկի որդին էր և եկել էր նրանից գումար տանելու: ArmLur.am-ին հայտնի դարձավ, որ ինքնասպան եղած տղամարդու եղբայրը ևս տարիներ առաջ ինքնասպան է եղել: Աղբյուրի տեղեկություններով՝ դեպքից մի քանի օր առաջ տղամարդը կրկին փորձել է ինքնասպան լինել սավանով կախվելու միջոցով, սակայն ինքը եղբորը պատմել է, որ սավանը կտրվել է, և իրեն չի հաջողվել մտածածն իրականացնել: Եղբայրը հորդորել է նման քայլի չդիմել` խոստանալով օգնել նրան ֆինանսապես: Սակայն Հայկ Հունանյանը դիմեց ինքնասպանության:
