Իշխանությանն անհանգստացրել է Արցախի նախագահի բաց խոսելը ՝ ՀՀ տարածքների նկատմամբ ադրբեջանական օկուպացիայի և տարածքային պահանջատիրության մասին          Տեսանյութ. Գյուղից մի փոքր աջ գազատարն է, որը ևս անցնում է ադրբեջանցիներին.Երևան-Նոյեմբերյան միջպետական ճանապարհը կարող է մնալ ադրբեջանցիների տոտալ վերահսկողության տակ       Պուտինն առանց ջանք խնայելու բանակցել է, որպեսզի դադարեցնի պատերազմը. ՀՀ ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը    

17 մար 2018 16:35

Ամուսինները կաթվածահար են եղել պահածոյացված լոբու պատճառով

 
Գերմանիայից ամուսինները կաթվածահար են եղել եւ 5 ամիս ինտենսիվ թերապիայի բաժանմունքնում են անցկացրել այն բանից հետո, երբ համտեսել են պահածոյացված կանաչ լոբի, որը թունավորված է եղել բոտուլիզմի տոքսինով:
Ամուսինների որդին կարողացել է խուսափել ծնողների ճակատագրից, քանի որ լոբու ոչ այնքան հաճելի հոտի պատճառով հրաժարվել է ուտել: Դեպքը տեղի է ունեցել Լեյպցիգում: Գերմանացի բժիշկները որոշել են միջադեպի մասին պատմել Journal of Medical Case Reports ամսագրին, որպեսզի հասարակության ուշադրությունը հրավիրեն պահածոյացված մթերքների վտանգի վրա: Նշենք, որ Գերմանիայում ամեն տարի բոտուլիզմի 10 դեպք է գրանցվում:
Առաջինը 47-ամյա կնոջ մոտ են ի հայտ եկել նախանշանները՝ գլխապտույտ, երկատված տեսողություն, կոպերի իջեցում եւ խոսքի խնդիրներ, որից հետո նրան հոսպիտալացրել են: Համակարգչային եւ ՄՌ տոմոգրաֆիան ոչ մի լուրջ բան ցույց չի տվել, բայց նրա վիճակը արագորեն վատթարացել է:
Կինն արդեն չի կարողացել բացել աչքերը. պարանոցից ներքեւ նա ամբողջությամբ կաթվածահար էր եղել:
Universitаtsklinikum Halle-ի բժիշկները ստիպված էին հիվանդին արհեստական կենսագործունեության սարքին միացնել, քանի որ կնոջ թոքերն այլեւս չէին գործում:
Օրեր անց նույն ախտանիշներով նույն հիվանդանոց է տեղափոխվել նրա 51–ամյա ամուսինը: Սակայն նա դեռ կարողանում էր նորմալ քայլել, քանի որ քիչ քանակությամբ էր բակլա  կերել:
Շուտով սակայն նրա վիճակն էլ է վատթարանում: Հենց այդ ժամանակ բժիշկները բոտուլիզմ են կասկածել, քանի որ նրանց հետ ճաշող որդու մոտ ոչ մի ախտանշան չէր եղել, իսկ տղան հիշել էր, որ նա հրաժարվել էր լոբին ուտել:
Ախտորոշումը հաստատվել է արյան անալիզով: Ամուսինները 5.5 ամիս հիվանդանոցում են անցկացրել: Կնոջը դուրս են գրել 11 ամսից, իսկ տղամարդուն՝ 8:
Բոտուլիզմի տոքսինը համարվում է գիտությանը հայտնի ամենաուժեղ թույներից մեկը: Այն օգտագործվում է բոտոքսի ներարկումների ժամանակ, սակայն շատ քիչ քանակությամբ:
Այն կաթվածահար է անում դեմքի մկանները՝ արդյունքում հարթեցնելով կնճիռները:
 

Մեկնաբանություններ


Համընկնող լուրեր