1 մլն դոլար հաշվեհամարին, հազարավոր դոլարներ՝ պայուսակում. մահացած հայտնաբերված հաշմանդամ մուրացկանը պարզվել է՝ միլիոնատեր էր
Լիբանանում մահացած հայտնաբերված հաշմանդամ մուրացկանը պարզվել է՝ միլիոնատեր էր։ Ոստիկանությունը հայտնաբերել է, որ 52-ամյա Ֆաթիմա Օթմանը, որը մուրացկանությամբ է զբաղվել Բեյրութի փողոցներում, կարողություն է կուտակել, անգամ՝ հաշվեհամար բացել բանկում, հաղորդում է The Daily Mail-ը:Ոստիկանները նրա մարմինը հայտնաբերել են քաղաքի Բարբիր թաղամասում՝ լքված մեքենայի մեջ: Նրա մոտ եղել է մոտ 3300 դոլարին համարժեք լիբանանյան ֆունտ պարունակող երկու պայուսակ: Բացի այդ, մուրացկանը մոտ 1,1 միլիոն դոլարին համարժեք լիբանանյան ֆունտ էլ կուտակել էր խնայողությունների հաշվեհամարին:
Ոստիկանության հաղորդմամբ՝ Օթմանը մահացել է սրտի կաթվածից:
Բնակիչները պատմել են, որ նա հաշմանդամ էր՝ չէր կարող օգտագործել իր ձեռքերն ու ոտքերը՝ Լիբանանի քաղաքացիական պատերազմի ժամանակ ստացած վնասվածքների հետևանքով:
