17:00 - Ցնցումների մեջ մի ընկեք. Հեղափոխության օրերին ձեր բերած ջրերից խմեք ու անհանգիստ նստեք տեղներդ         16:30 - Պուտինը բոլոր գենոմային կենտրոններին հրահանգել է զբաղվել պատվաստանյութի փնտրտուքով      16:00 - Այսօրվանից կսկսի գործել կորոնավիրուսային հիվանդության կասկածով պացիենտների ևս մեկ տրիաժ կենտրոն    

09 հուն 2018 17:45

Վանաձորի նախկին քաղաքապետն իր բարեկամներին տարածքներ է տվել

Պարզվում է Վանաձորի նախկին քաղաքապետ Սամվել Դարբինյանն իր պաշտոնավարման տարիներին 0 կողմ ձայնով տարածքներ է տրամադրել իր բարեկամներին: Նրանցից մեկն էլ Վանաձորի «Ցալկուտ» համատիրության նախագահ Սիլվա Եթիմյանն է, որը ՀՀԿ-ական հայտնի ընտրակեղծարար է:
«ժողովուրդ» օրաթերթը պաշտոնական փաստաթղթերից տեղեկացավ, որ դեռեւս 2012 թվականի օգոստոսին Դարբինյանը Վանաձորի Գրիգոր Լուսավորիչ փողոցի թիվ 29 շենքի առաջին հարկի ավելի քան 64 քմ մակերեսով բացվածքը 2 մլն 560 հազար դրամ արժեքով ուղղակի վաճառքի ձեւով օտարել է Սիլվա Եթիմյանին: Սակայն ըստ փաստաթղթի` Վանաձոր համայնքի ավագանին ո՛չ կողմ է քվեարկել, ո՛չ դեմ եւ ո՛չ էլ ձեռնպահ: Իսկ Սիլվա Եթիմյանը հայտնի է նաեւ այլ պատմությամբ.
«Ժողովուրդ» օրաթերթը ժամանակին գրել էր, որ Եթիմյանը մտադիր Է եղել զբոսաշրջության նպատակով մեկնել Բելգիա, սակայն նրան անհրաժեշտ Է եղել դեսպանատուն ներկայացնել երաշխավորագիր, որն Էլ տվել են ե՛ւ նախկին մարզպետ Արթուր Նալբանդյանը, ե՛ւ Վանաձորի քաղաքապետ Մամիկոն Ասլանյանը: Համաձայնեք, սա բավական լավ նյութ է իրավապահների զբաղվելու համար:

Մեկնաբանություններ

Համընկնող լուրեր